O día 1 de decembro tivo lugar a Asemblea xeral da Asociación de Veciños San Breixo na que están representados a meirande parte dos seixalbeses.
Presentáronse as contas, que foron aprobadas por unanimidade, fíxose o balance das moitas actividades levadas a cabo durante o ano e fixáronse obxectivos a acadar: arranxar o camiño de Riazón, o recanto do foro e da Requeixada, o lavadoiro de Amendo, buscar lugares para aparcamentos gratuítos e públicos; a este respecto deron pormenorizada conta das xestións feitas para que o novo plan de ordenamento municipal contemple e tramite a adquisición ou cesión de algunhas fincas que terían este fin e que axudarían a liberar as rúas de coches.Xa na quenda de intervencións, a meirande parte dos presentes manifestaron o su malestar pola colocación de cubos de pedra na Praza Maior para evitar a aglomeración de coches; a directiva afirmou que foran consultados sobre esa medida, que en principio pareceu ebn, pero non da localización e distribución destes e que estaban facendo trámites para reorganizalos, engadindo que, se a Praza non se empregara como aparcamento, non estarían agora os cubos alí.
Levantou tamén moita polémica a intervención dun veciño que se sinte se foi contra el de mala fe cando un grupo de veciños entregan un escrito á Directiva para que o tramitase ante o Concello preguntado se tiña autorización para o cerramento da finca situada en Amendo, a carón dos colectores de lixo, tendo en conta que xa deixaba unha media de metro e medio para o camiño respecto ó cerramento vello.
A directiva defendeuse dicindo que só se tramitara unha pregunta que se presentara no Concello e na Confederación Hidrográfica, posto que a Asociación participa activamente na Plataforma Ríos Limpos.Dáse a casualidade que a Asociación estaba tramitando a merca desa finca para que servise de aparcadoiro público. Algúns veciños interviron en defensa das xestións da Asociación, argumentando que os retranqueos e permisos deben ser tramitados por todos.Finalizou a asamblea co anuncio da convocatoria de eleccións que se levará a cabo no derradeiro trimestre do vindeiro ano e a intención de non presentarse de novo á reelección.

O martes 27 de Novembro ás 7 da tarde no CONSERVATORIO de MÚSICA de OURENSE presentouse o libro de música para guitarra FROLES D´OURO de Manuel Herminio Iglesias.

Estivo presente pola editorial  DOS ACORDES Javier Jurado. Varias pezas foron interpretadas polo guitarrista DANIEL ALEXANDRE  IGLESIAS. 

Participación cidadá do Concello de Ourense organiza cada ano unha ampla gama de actividades que coordina en Seixalbo a Asociación San Breixo. Para paraticipar neles esta asociación veciñal ten como norma que se estea asociado e que ademais se fagan efectivos dez euros.
Os cursos e horarios son os seguintes:

• PILATES, Luns e mércores en Penouzos de 17:30 a 18:30
• MEMORIA, os martes de 19 a 20:30  no Local Central
  
• RISOTERAPIA os venres de 18 a 19:30
  
• INFORMÁTICA, os mércores de 19:00 a 21:00; este curso faise en Ourense.

As Canellas, asociación cultural xuvenil que acaba de pórse en marcha (http://ascanellas.narede.gl), organiza unha charla coloquio con Rubén Riós, o polifacético actor de Prado Longo ou Vilamor. Despois do coloquio proxectarase a curtametraxe: "Cose e cantar"
Será no Local da Asociación de veciños
http://www.youtube.com/watch?v=KQOKYRpnI0Y

Este ano non se cumpriu aquilo de que para o magosto sempre vai bo tempo. Os primeiros en celebralo en Seixalbo foron os de Agromadas, e prevendo us chaparróns colocouse un toldo e as mesas puxéronse dentro do Local; logo non foi para tanto.