Marga Seara

Coincidindo co San Martiño, o poeta Iago González presentou en Seixalbo, no Local de Agromadas, o seu libro O lugariño, publicado po Chan da pólvora.

Malia a xuventude do autor, o libro é extenso e profundo, e, chamativamente enraizado nas nosas orixes máis rurais e ancestrais.

A obra, prologada pola galardoada Olga Novo, recolle poemas de Iago González escritos ao longo destes últimos anos dos que recitou tres no acto, presentado pola propia Olga Novo.

En Agromadas estamos orgullosos e agradecidos de ter acollido a estes dous grandes poetas cos que esperamos contar noutras actividades do futuro.