A conferencia intégrase dentro da programación de actividades para conmemorar as Letras Galegas pola Asociación Agromadas.
O público respondeu, coma sempre, enchendo o Local de Agromadas. A
charla de Elena González Iglesias sobre as persoas que coidaban da saúde
dos veciños no Seixalbo da posguerra foi interesante e emotiva facendo
reflexionar aos presentes sobre o importante labor levado a cabo de
xeito desinteresado por persoas que xa non están pero que tomaron parte
activa da vida en comunidade.
Non menos entrañable foi a presencia de César Norberto Armenteros,
acompañado da súa dona: o neto de César Iglesias Freire aproveitou unha
viaxe á Península para pasar uns días en Seixalbo, lugar que viu nacer o
seu avó, comprobando de primeira man a restauración da casa familiar
doada pola familia á Agromadas e a actividade cultural que nela se
desenvolve. César e a súa dona calificaron a experiencia como
entrañable, un reencontro coa familia e o pasado. En resposta ás
palabras de agradecemento que foron pronnciadas en nome da Asociación,
asegurou que estaba gratamente sorprendido pola obra levada a cabo
engadindo que eran os herdeiros de César Iglesias os que estaban
agradecidos tanto pola restauración como polo uso que se lle está a dar ó
Local.
Ao remate, coma sempre, petiscos, viño de Seixalbo, e unha queimada. Por suposto, non faltou a música.
Departindo despois da charla. Manuel Herminio e á dereita César Norberto Armenterros
A vindeira cita será para o mes de San Xoán, no que a Asociación Agromadas celebrará en Penouzos o seu vintecinco aniversario.
http://www.laregion.es/noticia_opinion.php?id=7802
